Kreu i Lëvizjes Socialiste për Integrim, Ilir Meta, ishte pranishëm pasditen e sotme në mbledhjen e Konventës Kombëtare të LRI-së, ndërsa ka zbuluar dhe një detaj interesant, i cili lidhet me vendimin më të rëndësishëm politik që ai ka marrë.
“Të ndërtojmë ura bashkëpunimi. T’i japim fund ëndrrës për t’u larguar. Unë mësoj shumë nga të rinjtë. Bashkëpunim për të ardhmen e të rinjve. Ju të rinjtë dhe të rejat e LRI jeni miqtë e mi më të mirë. Vendimi më i mirë që kam marrë ndonjëherë në politikë ka qenë vendimi për të krijuar LSI. Unë mësoj shumë nga ju. Ju thoni vazhdimisht se unë jam miku juaj, unë dua t’ju siguroj sinqerisht se në këto 25 vite në politike, ju të rinjtë jeni më të mirët. Në këto 25 vite edhe unë si kushdo tjetër kam patur mjaft zhgënjime, por mendoj se vendimi më i mirë politik që ndonjëherë kam marrë në jetën time, padyshim ka qenë vendimi për të krijuar LRI”, deklaroi Meta.
Ai i ka uruar suksese edhe kombëtares në Francë, duke iu thënë lojtarëve të luajnë pa merak, pasi e kanë kryer detyrën e tyre. /tesheshi.com/
