Presidenti Meta ndodhet në Kosovë, e pikërisht në Reçak, për të përkujtuar 21-vjetorin e asaj ngjarjeje të rëndë me autorë serbët, të cilat morrën jetën dhjetra të pafajshmëve. E ridimensionuar nga mohimi që i bëri deri dhe presidenti Vuçiç, Meta tha se “ishte pikërisht kjo masakër që shokoi botën dhe vuri në lëvizje diplomacinë botërore për të ndaluar gjenocidin.
Por kjo masakër, por edhe të tjera që kanë ndodhur në Kosovë në kuadër të një spastrimi etnik, tregoi se liria dhe dinjiteti njerëzor triumfojnë ndaj gjenocidit dhe barbarizimit.
Sot është koha për të kujtuar këtë ngjarje, por edhe për të kujtuar se duhet të shkojë deri në fund drejtësia për të gjithë ata që orkestruan këtë krim sepse kjo është rruga e pajtimit”, theksoi Meta.
“Çdo përpjekje për të mohuar masakrën e Reçakut nuk është gjë tjetër veçse një rrezik për riciklimin e dhunës”, shtoi kreu i shtetit shqiptar. /tesheshi.com/
