Presidenti Meta, i njohur si politikani që gjithnjë e ka “mbajtur grurë” me Athinën, ka përcjellë një mesazh urimi me rastin e Ditës Kombëtare të Greqisë.
Duke anashkaluar edhe ca deklarime të tjera të ashpra të homologut grek një ditë më parë, ku sërish sulmoi çamët si bashkëpunëtorë të nazizmit, Meta është shprehur i ngazëllyer.
“I lumtur të merrja pjesë sot në ceremoninë e organizuar me rastin e Ditës Kombëtare të Greqisë. Në këtë ditë feste e gëzimi të fqinjëve tanë uroj që edhe bashkëpunimi e partneriteti ynë të udhëhiqen nga trashëgimia më pozitive dhe e ardhmja e përbashkët e dy popujve tanë në një rajon më të begatë të Europës së Bashkuar.
Minoriteti grek dhe komuniteti shqiptar në Greqi, ura shumë të forta lidhëse në marrëdhëniet e shkëlqyera tradicionale, por edhe mjaft premtuese mes dy popujve tanë.
Shqiptarët dhe grekët meritojnë të jetojnë gjithmonë në bashkëpunim,harmoni e begati. Zoti e bekoftë miqësinë shqiptaro-greke!“, shkruan Meta. /tesheshi.com/
