Kreu i Kuvendit ka folur edhe një herë sot për Reformën në Drejtësi, për të cilën është shprehur se Lëvizjen Socialiste për Integrim dhe grupin e saj parlamentar, kjo reformë ka përfunduar, ndërsa ka bërë me dije se LSI është gati ta votojë.
“LSI edhe unë personalisht kemi punuar që reforma të përfshinte sa më shumë aktorë, jo vetëm opozitës padyshim, por edhe shumë aktorë të tjerë dhe besoj se gjithëpërfshirja ka qenë një dimension i padiskutueshëm i këtij debati. Ne mund të vazhdojmë debatet edhe për shumë vite të tjera, por jemi të ndërgjegjshëm që çdo minutë që kalon është kundër nesh, është kundërproduktive dhe rrezikon progresin e mëtejshëm të axhendës tonë në raport me Bashkimin Europian”, tha Meta.
Ai shtoi se ky mesazh është bërë i qartë nga zyrtarët e BE dhe se është e drejta e opozitës të kërkojë disa ditë më shumë. Sipas tij, tashmë duhet ecur drejt procedurave parlamentare për votimin e reformës, ndërsa nënvizoi se për LSI votimi ka filluar që nga dje, dhe se është gati për votim në çdo moment.
Deklarata e tij u dha pasi kryeparlamentari Ilir Meta u përul para Varrezve të Dëshmorëve, me rastin e 5 Majit. /tesheshi.com/
