Tre muajt e pranverës kur opozita ishte në çadër dhe aleati qeverisës Ilir Meta flirtonte me opozitën duke hedhur akuza ndaj qeverisë Rama, ka pasur një skenar për rrëzimin e qeverisë në Kuvend.
Po ky skenar nuk u realizua pasi disa deputetë të LSI-së refuzuan Metën. Një prej tyre është dhe Shkëlqim Selami, deputeti i Vlorës nën siglën e LSI-së, të cilit iu hoq mandati pas një kërkese të prokurorisë në kuadër të ligjit të dekriminalizimit.
“Heqja e mandatit tim është thjesht për inat të kryetarit, pasi kërkonte rrëzimin e qeverisë për interesa personale. Ndihem krenar që unë dhe disa deputet të LSI nuk u bëmë pjesë e pazareve për rrëzimin e qeverisë dhe çuarjen e vendit në kolaps për interesat personal të Z.Meta. Vetë kryetari i KQZ e pranoi në komisionin e ligjeve dhe në media se mandatin tim e hoqi pas asnjë provë, por sipas kërkesës së Metës”- shkruan Selami
Ai ka marrë shkas nga intervista e Ilir Metës dhënë brëmë në opinion.
Selami, pasi ka milituar prej më shumë se 10 vitesh pranë LSI-së dhe ka themeluar e drejtuar degën e kësaj partie në Vlorë, ka vendosur të kalojë në krah të kryeministrit Rama në këto zgjedhje.
“Dua t’i bëjë thirrje të gjithë atyre që kanë besuar dhe besojnë te puna dhe ndershmëria ime të bëhemi bashkë dhe të votojmë Nr 2 më 25 qershor. Të votojmë si Vlorë, Edi Ramën, njeriun e punës njeriun që do të bëj shtet! Njeriun që ka dash të bëjë shumë më shumë, por nuk e ka lënë miku që sot e demonstroi me qetësinë e tij live me zë dhe figurë”– shkruan ai./tesheshi.com/
