Presidenti Meta u vendos këtë të martë në krye të atyre që kundërshtojnë prishjen e godinës ekzistueze të Teatrit Kombëtar për t’i hapur rrugën një të riu, duke u pozicionuar dhe njëherë qartazi politikisht. U pa kjo te gjuha e përdorur prej tij, sapo doli nga godina e Gjykatës Kushtetuese, ku morri inisiativë që të çojë Ligjin për Teatrin. Dhe të gjithën e lidhi me Reformë në Drejtësi.
“Nuk ka forcë në botë që më ndalon mua si president i Shqipërisë, për t’i vënë përpara drejtësisë shqiptare dhe ndërkombëtare rilindasit lokalë dhe ndërkombëtarë, të cilët kanë goditur në mënyrë skandaloze reformën madhore që bëmë para të vitesh për t’i dhënë drejtësi shqiptarëve në mënyrë që t’i japin totalisht drejtësinë ndërkombëtarëve”, tha kreu i shtetit.
Sipas Metës, Teatri është viktimë e një krimi kushtetues.
“Ligji për shkatërrimin e Teatrit Kombëtar është një simbol një kryevepër që si asnjë herë më parë kryhet në harmoni të plotë një krim Kushtetues vetëm në interesa të asaj që mund ta quajmë me të drejtë jo “Rule of Laë”, por “Rule of Oligarcs””, u shpreh Meta. /tesheshi.com/
