Lionel Messi ka konfirmuar se do të qëndrojë në Barcelonë deri në fund të sezonit të ardhshëm.
Futbollisti argjentinas kështu i dha fund spekulimeve për largimin nga klubi, duke thënë se ai do të qëndronte në Barcelona për një sezon tjetër, por vetëm në mënyrë që të mos hynte në një betejë ligjore me klubin për shkak të kontratës së tij.
33-vjeçari Messi informoi klubin blaugranas muajin e kaluar se ai donte të largohej, duke këmbëngulur që një klauzolë në kontratën e tij e lejon atë ta bëjë këtë si një agjent i lirë, pa paguar dëmshpërblim.
Sidoqoftë, Barcelona, me mbështetjen e La Liga-s, këmbënguli që 700 milion euro duhet të paguhen për largimin e Messit.
“Nuk isha i lumtur dhe doja të largohesha. Por nuk më lejohet ta bëj atë dhe do të qëndroj në klub në mënyrë që të mos hyj në një betejë ligjore”, tha Messi për Goal.com.
Ai shtoi se udhëheqja e klubit, e kryesuar nga Josep Maria Bartomeu, është “katastrofike”.
“Kishte një mënyrë tjetër, të shkoja në gjykatë, por unë kurrë nuk do ta bëja atë te Barcelona, sepse është një klub që e dua, i cili më ka dhënë gjithçka që kur kam ardhur këtu. Eshtë klubi i jetës time, sepse unë jam qenë aty gjithë jetën time”, tha Messi, kontrata e të cilit me klubin skadon më 30 qershor 2021. /tesheshi.com/
