Leo Messi do të vazhdojë të luajë me Barcelonën, të paktën derisa të bëhet 34 vjeç. Katalanasit kanë njoftuar rinovimin e kontratës me argjentinasin, deri në vitin 2021.
Kontrata është nënshkruar sipas variantit, 3 vite të njëpasnjëshme, e më pas një vit “hajt se folim”, pra me të drejtë rinegociimi për modalitetet. Kontrata e re e Messit është nënshkruar nën një konfidencialitet të padeklaruar, por e sigurtë është që “Pleshti” është mbuluar me ar.
Në këtë mënyrë, janë shuar shpresat e klubeve të pasura angleze që “i bënë nga një zile” 30 vjeçarit, në fillim të verës.
Veç në mos pronarët arabë të tyre, nuk çmenden dhe për një “tekë” të tyre, lëshojnë ndonjë shifër astronomike, që ta “ofendojnë” Barcelonën me ndonjë “treqindshe”…milion euro gjithnjë…/tesheshi.com/
