Kreu i PD-së, Lulzim Basha ka përcjellë shqetësimin e tij se edhe Uashingtoni do i njoh zgjedhjet pa PD-në, mesazh ky i përcjellë nga Hoyt Yee sot në Tiranë
“Bashkimi ynë është e vetmja pengesë ndaj këtij plani ogurzi. Ne nuk do lejojmë kurrë një regjim monist në Shqipëri. Ne nuk do lejojmë kurrë zgjedhje të vendosura nga droga dhe krimi. Ose zgjedhje të lira dhe të ndershme, ose zgjedhje të tjera në Shqipëri nuk do të ketë”, tha Basha në mbrëmje.
Siç mësohet, amerikanët i kanë dhënë Bashës dhe 24 orë kohë për të vendosur mbi braktisjen e bojkotit dhe hyrjen ne zgjedhje. Këtë, ata kanë shoqëruar dhe me mesazhin se dhuna mbetet e papranueshme, thënë tekstualisht nga Yee, duke lënë të nënkuptuar se në rast bojkoti, PD-ja nuk mund të ushtron asnjë forcë për pengimin e tyre.
Po ashtu, në deklarimet e Yee-së, jepej e kuptuar se ata nuk i besojnë tezës së ngritur nga PD se droga dhe krimi rrezikojnë zgjedhjet, e se për këtë arsye po protestohet me çadër. /tesheshi.com/
