Komisioni Evropian do të shpallë strategjinë e saj për Ballkanin Perëndimor, e cila synon të inkurajojë gjashtë vendet, Bosnjën, Shqipërinë, Malin e Zi, Kosovën, Maqedoninë dhe Serbinë të intensifikojnë përpjekjet për reforma për të përmbushur kriteret e nevojshme për anëtarësim.
Një nga mesazhet kryesore të zyrtarëve të BE-së është se udhëheqësit në Ballkan, nuk guxojnë t’u kthehen konflikteve.
Serbia dhe Mali i Zi, është thënë qartë, prijnë në listën e këtyre vendeve në procesin e integrimit në BE, dhe të dy vendet kanë përfunduar një pjesë e madhe e kapitujve të Acquis Communautaire.
Megjithatë, siç theksohet përsëri, Serbia nuk do të përparojë në këtë proces nëse nuk normalizon dialogun me Kosovën. /tesheshi.com/
