Kryeministri grek Alexis Tsipras i kërkoi edhe njëherë Maqedonisë që të përmbushë detyrimet e Marrëveshjes së Prespës, sepse, siç vuri në dukje, nuk do të ketë mundësi të tjera.
“Greqia nuk do të pranojë integrimin e vendit fqinj në ndonjë organizatë ndërkombëtare në të cilën ne jemi anëtarë, në këtë rast, Bashkimi Evropian dhe NATO, me emrin kushtetues Republika e Maqedonisë”, theksoi Tsipras.
Deklarata e tij u bë pas aktit të dorëheqjes së kreut të diplomacisë Nikos Kotzias, funksion të cilin do e marrë vetë.
“Kjo zgjedhje ime sinjalizon vendosmërinë time për të bërë gjithçka që kam në dorë për të siguruar që Marrëveshja e Prespës të përfundojë me sukses, gjë që do të përmirësojë pozicionin ndërkombëtar të vendit”, tha kryeministri grek. /tesheshi.com/
