Mesazhi i prerë i Von der Leyen nga Prishtina për Kosovën dhe Serbinë

Presidentja e Komisionit Evropian, Ursula von der Leyen, përcolli një mesazh të prerë për Prishtinën e Beogradin, gjatë një vizite në kryeqytetin kosovar.

Von der Leyen ftoi Kosovën që të nisë zyrtarisht procedurën për zbatimin e Asocacionit, e nga ana tjetër i bëri thirrje Serbisë që të ndërmarrë hapat konkrete për njohjen e Kosovës.

“Ftojmë Kosovën të nisë procedurën për zbatimin e Asociacionit, kurse Serbia duhet të pranojë njohjen de-facto. Kjo është mënyra e vetme për të shkuar përpara”, tha presidentja e KE-së.

Ajo shtoi se e njëjta thirrje për njohje do të bëhet dhe në Beograd, gjatë vizitës në Serbi që pritet të mbajë në vijim në kuadër të turit ballkanik.

 “Edhe në Serbi atje do ti diskutoj edhe hapat që duhet të ndërmerr Serbia për njohjen de-facto”, tha Von der Leyen. /tesheshi.com/