Ndonëse, institucionet e Kosovës po presin ndihmën e Bashkimit Evropian për rrëzimin e murit në veri, pasi nuk kanë fuqi t’a bëjnë një gjë të tillë, këta të fundit thonë se nuk është në autoritetin e tyre të kontrollojnë këtë ndërtim. Ata deklarojnë nuk është projekti i tyre.
Është përfaqësuesja speciale e zyrës së Bashkimit Evropian në Prishtinë, Nataliya Apostolova, e cila sot para anëtarëve të komisionit kuvendar për integrime Evropiane ka deklaruar qartë se janë institucionet e shtetit të Kosovës, ata që duhet të gjejnë zgjidhje.
“BE ndërton ura, jo mure. Ajo që kam pa është pyetje që duhet të vendoset në dialog mes kryetarëve dhe përfaqësuesve të BE-së. Ne jemi duke bërë presion që të respektohen të drejtat e qytetarëve, transparencës në dialog. Ju duhet të bëni zgjidhje. Dikush e thërret muri, dikush shkallë… janë çështje të ndryshme. Kjo është një gjë që ekipet teknike duhet ta vendosin në dialog dhe të zgjidhet. Ky nuk është projekt i BE-së dhe nëse s`është projekt i yni ne nuk mund ta kontrollojmë“, ka thënë ajo.
Mbetet të shihet nëse pas kësaj deklarate, institucioinet e vendit do të kenë guxim të veprojnë për të rrëzuar murin, ashtu siç ka premtuar kryeministri Isa Mustafa e kryenegociatorja Edita Tahiri.
Ndryshe, për çështjen e murit sot Komuna e Mitrovicës që drejtohet nga Agim Bahtiri mban një seancë të jashtëzakonshme./tesheshi.com/
