CDU-ja e Angela Merkelit ka pësuar një tjetër humbje drastike të dielën në zgjedhjet rajonale dhe në shtetin federal të Hessenit.
Sipas të dhënave të para zyrtare, Kristian Demokratet kanë fituar 27.9 për qind të votave që është 10 për qind më pak se në zgjedhjet e pesë viteve më parë.
Social Demokratët (SPD), kanë fituar 19.9 përqind, duke humbur po ashtu 10 për qind në krahasim me zgjedhjet e fundit provinciale.
Partia e Gjelbër ka fituar 19.5 për qind, rezultati më i mirë i saj në Hessen.
Ndërsa e djathta esktreme, Alternativa për Gjermaninë (AFD) për herë të pare fitoi 12 për qind të votave, duke hyrë në parlamentin e Hessenit në Wesbaden.
Pas zgjedhjeve në Bavari dy javë më parë, ku partitë e koalicionit qeverisës pësuan humbje të ngjashme, pritet që pas zgjedhjeve në Hessen partitë e koalicionit qeverisës pritet të pësojnë një ndyshim.
Analistët nuk kanë përjashtuar as shpërbërjen e koalicionit dhe zgjedhjet e reja. /tesheshi.com/
