Kancelarja gjermane, Angela Merkel deklaroi se fluksi drithërues i emigrantëve në Gjermani, do të “pushtojë dhe ndryshojë” vendin në vitet që vijnë.
Ajo tha se Gjermania do të përshpejtojë dhe procedurat për aplikim të azilkërkuesve dhe do të ndërtojë streha shtesë, me fondin prej 6 miliardë euro që do t’i shtohet shpenzimeve për krizën.
Por, Merkel pranoi se Gjermania nuk mund të zgjidhë e vetme krizën dhe apeloi shtetet e tjera anëtare të BE-së të pranojnë më shumë refugjatë.
Në fundjavë kufirin e kaluan më shumë se 20 mijë emigrantë, ndërsa priten edhe 11 mijë të tjerë vetëm të hënën.
Merkel falënderoi vullnetarët që kanë ndihmuar dhe mirëpritur refugjatët, duke thënë se ata i “kanë dhënë Gjermanisë ngjyrat që një vendi që na bën të gjithëve krenarë”.
Emigrantët që kanë nevojë për mbrojtje, do ta kenë atë, tha Merkel, ndërsa shtoi se ata që nuk kanë asnjë shans për të marrë azil do të kthehen në shtëpitë e tyre shumë shpejt.
“Ne mund të menaxhojmë krizën dhe sfidat që ajo paraqet vetëm duke u mbështetur në solidaritetin europian”, tha Merkel në një konferencë të përbashkët për shtypin me zëvendëskancelarin gjerman, Sigmar Gabriel.
Sipas saj, Gjermania që përballet me 800 mijë aplikime për azil këtë vit, mund të ketë një kosto prej 10 miliardëSipas saj, Gjermania që përballet me 800 mijë aplikime për azil këtë vit, mund të ketë një kosto prej 10 miliardë eurosh, vitin e ardhshëm për shkak të këtij fluksi.
Fluksi i emigrantëve që mësyjnë Europën nuk ka treguar shenja ngadalësimi as këtë të hënë, pasi turma refugjatësh raportohet se i janë afruar kufirit të Hungarisë nga Serbia. /tesheshi.com/
