Kancelarja gjermane Angela Merkel tha në mesazhin e saj të Vitit të Ri se ajo po luftonte ndryshimin e klimës me forcën e saj për të lejuar gjeneratat e ardhshme të jetojnë në paqe dhe prosperitet.
Me kumtet e adoleshentes së famshme suedeze Greta Thumberg, ajo u shfaq me meraqet e kësaj të fundit si lejtmotriv kryesor.
“Ngrohja globale është e vërtetë, është një kërcënim”, tha Merkel në një fjalim të regjistruar që do të transmetohet në çastin e ndërrimit të viteve, njoftoi Reuters. Rritja e temperaturave në botë dhe problemet e krijuara nga ngrohja globale janë krijuar nga njerëzit, shtoi Merkel.
“Pra, ne duhet të bëjmë gjithçka me fuqinë njerëzore për të kapërcyer këtë sfidë njerëzore. Ende është e mundur”, tha Merkel.
“Unë jam 65 vjeç dhe në një moshë ku personalisht nuk do të përjetoj më të gjitha pasojat e ndryshimit të klimës që do të ndodhin nëse politikanët nuk bëjnë asgjë”, tha kancelarja.
“Fëmijët dhe nipërit tanë do të duhet të jetojnë me pasojat e asaj që ne bëjmë ose nuk bëjmë sot. Kjo është arsyeja pse unë përdor forcën time të plotë për të siguruar që Gjermania të kontribuojë – ekologjikisht, ekonomikisht, shoqërisht – në ndryshimet klimatike”, tha Merkel.
Ajo u bëri thirrje gjermanëve të mendojnë se si të përballojnë sfidat e paraqitura nga ngrohja globale.
Sipas saj, “për ta arritur këtë, na duhet më shumë se kurrë guximi të mendojmë në një mënyrë të re, fuqinë për të braktisur shtigje të njohura, gatishmërinë për të provuar gjëra të reja dhe vendosmërinë për të vepruar më shpejt, E bindur se e pazakonta mund të ketë sukses – dhe duhet të kemi sukses nëse duam që brezi i të rinjve të sotëm dhe pasardhësit e tyre të vazhdojnë të jenë në gjendje të jetojnë mirë në këtë Tokë”, përfundoi Merkel. /tesheshi.com/
