Kancelarja gjermane Angela Merkel ka huazuar një këshillë shekullore të Profetit Muhamed në kohë epidemish, atë të mos qarkullimit. Ajo tha se njerëzit në rajonet me goditje të forta të infeksionit të qëndrojnë aty dhe të mos shkojnë në pjesë të tjera të Gjermanisë.
Gjermania ka hequr shumë kufizime në jetën publike gjatë dy muajve të fundit, por autoritetet lokale do të konsiderojnë rivendosjen e masave kufizuese nëse numri i personave të infektuar në një zonë tejkalon 50 për 100,000 banorë gjatë një periudhe një-javore.
Rajoni Guetersloh i Gjermanisë perëndimore u mbyll pjesërisht muajin e kaluar pasi infeksioni u shfaq masivisht në një thertore. Shumë rajone të tjera gjermane refuzuan të lejojnë njerëzit nga zona të tjera nëse nuk kishin një test negativ të koronavirusit.
“A nuk është më mirë që qeveria rajonale në vendet ku ka ndodhur shpërthime infeksionesh të rekomandojë banorët e saj të udhëtojnë në rajone të tjera vetëm nëse ata kanë një test negativ?. A nuk është kjo një zgjidhje më e mirë sesa të kontrolloni çdo hotel në Gjermani për mysafirë nga rajone të prekura?”, tha Merkel.
Ajo shtoi se kjo po diskutohet me qeveritë e shteteve gjermane, të cilat janë përgjegjëse për masat e izolimit. /tesheshi.com/
