Popullariteti i ish-kancelares gjermane Angela Merkel po rritet, ndonëse prej disa kohësh ajo nuk është në politikë dhe as në krye të qeverisë.
Sipas sondazhit të fundit të INSA të kryer për “Bild”, Merkel jo vetëm që është në vendin e parë si politikania më e njohur gjermane, por ajo e ka rritur atë avantazh muajin e fundit, pavarësisht tërheqjes nga politika.
Ish-kancelarja tashmë ka mbështetjen e 59.3 për qind të qytetarëve, që është tre pikë përqindje më shumë se rezultatet e sondazhit të 29 nëntorit.
Në vendin e dytë të politikanëve më të njohur gjermanë është ministri i Shëndetësisë Karl Lauterbach (56,6 për qind), ndërsa në vendin e tretë është kancelari aktual Olaf Scholz me 51 për qind të mbështetjes së të anketuarve.
Kryeministri bavarez Markus Soeder është në vendin e katërt me 47,6 për qind të qytetarëve, i ndjekur nga ministri i Ekonomisë Robert Habeck (47,2 për qind) nga ministri i Bujqësisë Cem Özdemir (47,1 për qind). /tesheshi.com/
