Në një intervistë për transmetuesin publik gjerman ARD, kancelarja Angela Merkel ka folur dhe mbi çështjen e refuzimit të disa vendeve të Bashkimit Europian për të pranuar refugjatë muslimanë.
Ajo e ka quajtur të papranueshëpm një refuzim të tillë, duke vënë në pah se Gjermania ka kërkuar kuota për ndarjen e të ardhurve në vendet e BE-së.
“Nuk është e drejtë fare që disa vende thonë, ‘Ne nuk duam të kemi muslimanë në vendet tona’,” u është shprehur Merkel intervistuesve të ARD-së.
Mbështetëse e vendosur e një sistemi kuotash për ndarjen e të ardhurve nga vende përgjithësisht me konflikte, kancelarja ka kërkuar që “çdokush duhet të bëjë pjesën e vet”.
“Duhet gjetur një zgjidhje e përbashkët,” ka theksuar ajo.
Vende si Çekia, Hungaria, Polonia dhe Sllovakia nuk pranojnë të marrin refugjatë sipas sistemit të kuotave. Presidenti sllovak, Robert Fico, është zotuar se nuk do të sjellë edhe një musliman të vetëm në vendin e tij. Kryeministri çek, Bohuslav Sobotka, deklaroi po ashtu të martën e shkuar se nuk dëshironte një bashkësi të madhe muslimane në vend.
Mbyllja e rrugës ballkanike, si dhe marrëveshja e BE-së me Turqinë, kanë sjellë një ulje të ndjeshme të numrit të atyre që kërkojnë të vijnë në Europë nga Lindja e Mesme dhe Afganistani. /tesheshi.com/
