Kancelarja gjermane Angela Merkel dhe kryeministri spanjoll Pedro Sanchez shprehën qëndrimin e tyre për mbështetje të përbashkët sa i takon problemit të emigracionit brenda BE-së. Kjo në kohën kur ka një rritje të opozitave populiste për pranimin e azilkërkuesve të rinj.
Në një takimin joformal në jug të Spanjës, Merkel dhe Sanchez folën për “shpërndarjen e barabartë” të emigrantëve dhe vunë në dukje se ajo do të nxisë një vizion të përbashkët në samitin e Bashkimit në shtator, sipas AP.
Ndërkohë, të shtunën hyri në fuqi një marrëveshje në Berlin dhe në Madrid, që konsiston në marrjen përsëri të emigrantëve të regjistruar në vend, të cilët duan të hyjnë në Gjermani nga Austria.
Merkel dëshiron të arrijë marrëveshje të tilla dypalëshe me Greqinë dhe Italinë, në mënyrë që të ndalojë të ashtuquajturin emigrim “të mesëm” në Gjermani, gjë kohët e fundit solli në pikëpyetje mbijetesën e qeverisë së saj.
Negociatat e Berlinit me Athinën dhe Romën janë në proces. /tesheshi.com/
