Edhe pse ende pa datë zgjedhjesh, politika kosovare është përfshirë nën ethet e një “merkatoje” mes partive, të cilat shohin mundësi koalicionesh për të maksimalizuar votat e për t’i mundësuar vetes pushtet.
Së fundi, është lidhur në aleancë Pacolli me Limajn, pra AKR me NISMA-në, ndërkohë që të dy vijnë nga kushte pushteti, pasi kanë qenë pjesë e qeverisë Haradinaj si ministra.
Kjo aleancë e re ka dhe kandidatin e saj për kryeministër, pikërisht Limajn.
“Është një lajm i mirë për vendin, zhvillimet politike në vend, lajm që tregon se me këtë vendim për të ndërtuar një bosht politik rreth secilit presim të bashkohen edhe grupe tjera politike, tregon urtësinë, seriozitetin e këtyre zgjedhjeve që na presin. Jam i nderuar që do t’i prijë listës dhe do të jem kandidat për kryeministër”, tha Limaj, me në krah Pacollin. /tesheshi.com/
