Një publikim i Entit Statistikor të Suedisë thotë se emri “Merjem” është emri me rritje më të shpejtë në vend.
Vitin e kaluar përdorimi i këtij emri u rrit 70%, dhe si rezultat ajo hyri për herë të parë në listën e emrave më të njohur të fëmijëve të Suedisë.
Margareta Carlsson nga Enti Statistikor i Suedisë tha për The Local:
“Është emri me rritje më të shpejtë për vajzat, por nuk e di arsyen përse. Unë nuk njoh ndonjë person të famshëm me emrin Merjem. As që mund të supozoj madje”.
Statistikat e mëparshme në Evropë tregojnë zhvillime të njëjta. Për shembull, Muhamed ishte emri më i njohur për djem në Holandë dhe në Angli.
Statistikat nga Europa gjermanishtfolëse nuk dallojnë shumë: Muhamed ishte emri i tretë më i popullarizuar në Austri dhe po bëhet gjithnjë e më popullor në Gjermani.
Merjem është varianti kuranor i emrit Marie, qw i referohet një personi, një gruaje: nënës së Jezusit, ose Isait, po në variant kuranor. /tesheshi.com/
