Duket e pabesueshme, por mes refugjatëve në kampin e Opatovacit në Kroaci është gjendur dhe një plakë mjaft e kaluar në moshë, por gjithsesi e mbajtur.
Ajo është në pleqëri të thellë, 105 vjeçe, por përsëri kërkon të jetojë ditë më të mira.
Bibihal Uzbeki ka lënë Kunduzin në Afganistan, e bashkë me të birin, nipin e një tufë të afërmish, ka marrë rrugën e mundimshme të mërgimit për t’i ikur mjerimit e luftës.
Pasi ka lënë Serbinë bashkë me një tufë refugjatësh të tjerë, ajo është rehatuar brenda një çadre të Kryqit të Kuq. 105-vjeçarja ka udhëtuar për 20 ditë së bashku me anëtarët e familjes së saj, dhe shpesh i biri 67 vjeç dhe i nipi 19 vjeç e kanë mbajtur në shpinë.
“Kam vuajtur goxha,” ndërsa i dridhen duart, “por jam në rregull. U rrëzova dhe lëndova kokën.”
Një tren do t’i çojë drejt Sllovenisë, por i nipi i së moshuarës, Muhameti, tregon se duan të shkojnë në Suedi. /tesheshi.com/
