Mercenari serb Aleksandar Jokiç, i cili luftoi në anën ruse në Ukrainë, ka regjistruar një videomesazh drejtuar presidentit rus Vladimir Putin.
Ai u ankua se nuk ka nënshtetësi ruse, prandaj mund të deportohet në vendin e tij.
Nëse ai deportohet në Serbi, përballet me 25 vjet burg për shkak se ka marrë pjesë në një luftë në një vend të huaj. Jokiç tha se për meritat e tij gjatë luftës, ai mori një sërë dekoratash, duke përfshirë medaljen për çlirimin e Mariupolit. Ai pretendon se ka mbetur edhe i plagosur.
Ai tha se njësia në të cilën ai luftoi ishte shpërbërë dhe se njësitë e tjera refuzuan të nënshkruanin kontratë me të. Ai tha se dëshiron të qëndrojë në Rusi dhe të vazhdojë të mbrojë interesat ruse në zonën e “operacionit special ushtarak”.
🇷🇸 Сербского добровольца, который три года воюет в ДНР, хотят выдворить из России и отправить на родину. Там ему грозит 25 лет тюрьмы за наёмничество. Подразделение бойца расформировали, в другие не взяли, в гражданстве РФ отказали.
21-летний Александр Йокич служил в составе ⬇️ pic.twitter.com/SxOFMlx5WH
— 🐾Александра Опалић 🇷🇸❤️🔥🇷🇺 (@aleksandraopal2) April 24, 2024
Përfaqësuesi i Dumës së Shtetit, Aleksandar Hinštajn premtoi se do të gjendet një zgjidhje. “Kolegët e Ministrisë së Punëve të Brendshme tashmë janë duke punuar për zgjidhjen e problemit. Serbit do t’i jepet azil i përkohshëm. Situata është pak më e komplikuar sepse ai nuk ka nënshkruar kontrata me Ministrinë e Mbrojtjes, por me formacionet vullnetare të Republikës Popullore të Donjeckut (DNR)”, tha ai.
Ai shtoi se tashmë ka kontaktuar me kreun e DNR-së, Denis Pushilin dhe se së shpejti do t’i dërgojë një peticion Presidentit të Rusisë për t’i dhënë Jokiçit nënshtetësinë ruse. Ai konfirmoi se Rusia refuzoi t’i jepte shtetësinë Jokiçit në katër raste.
Në fillim të janarit, Presidenti Vladimir Putin nënshkroi një dekret për dhënien e nënshtetësisë ruse për të huajt që nënshkruan një kontratë për të shërbyer në forcat e armatosura ruse dhe anëtarët e familjeve të tyre. /tesheshi.com/
