Prodhuesi i makinave gjermane Mercedes-Benz do të tërheqë rreth 155,000 makina nga tregu për shkak të problemeve me kondicionerët dhe sistemet anti-rrëshqitje të ESP, tha Daimler AG, pronari i Mercedes.
Siç u njoftua, rreth 135,000 automjete të klasit A do të tërhiqen nga tregu për shkak të problemeve të mundshme me kondicionerin.
Shpjegohet se gypi i kondensatës së ujit të këtij modeli, i prodhuar midis shtatorit 2017 dhe shkurtit 2019, mund të jetë i vendosur dobët, kështu që uji mund të hynte në brendësi të makinës.
Riparimi në gjysmë ore
Një tjetër kontigjent prej 20,000 Mercedes luksozë dhe sportiv AMG do të tërhiqet nga tregu për shkak të problemeve të mundshme në funksionimin e sistemit ESP.
Automjetet “problematike” të AMG përfshijnë C-Class, GLC dhe supersport AMG GT, tha Daimler në një deklaratë.
Raportohet se ka rreth 3,900 automjete në Gjermani me një mangësi të tillë.
Një zëdhënës i kompanisë u tha disa mediave gjermane që në të dyja rastet pati avari të vogla, të cilat do të duheshin rreth gjysmë ore për t’u rregulluar.
Agjensitë deklarojnë se afërsisht 26.800 automjete me një mangësi të mundshme janë regjistruar në Gjermani, dhe pjesa tjetër jashtë, sipas Administratës Federale Gjermane të Transportit Motor. /tesheshi.com/
