Vezët janë një produkt shumë i mirë për të trajtuar flokët dhe me to mund të pregatiten shumë maska natyrale. Ato ndihmojnë në zbutjen dhe shkëlqimin e flokëve, si dhe luftojnë zbokthin.
Vezët janë një përbërës shumë popullor për maskat e flokut dhe të fytyrës, duke qenë se janë të pasura me proteina, zink, selen dhe hekur. Ato janë gjithashtu të lira në krahasim me maskat komerciale të flokëve dhe serumeve, të cilat gjithashtu mund të përmbajnë kimikate të padëshirueshme.
Disa maska flokësh përmbajnë vezë dhe majonezë, përgjithësisht kur flokët janë të dëmtuar dhe me zbokth. Maska me të verdhat e vezëve, mjaltë dhe vaj ulliri këshillohet për flokë pa jetë dhe të tharë. E verdha e vezëve dhe lëngu i limonit përdoret për të luftuar rënien e flokëve.
Një maskë me të verdha vezësh e bën fytyrën më të butë, ndërsa e bardha e vezës në fytyrë përdoret për ta tonifikuar lëkurën. /tesheshi.com/
