Mbajtja e mollëve nën ujë për disa sekonda nuk mjafton për të hequr pesticidet.
Në fakt, mënyra më e mirë për të pastruar mollët nga pesticidet është që të fusni ato në ujë dhe të shtoni sode buke. Ky proces duhet të zgjasë 12 deri në 15 minuta. Një mënyrë tjetër për të parandaluar futjen e pesticideve në organizëm është edhe të qëruarit e mollës.
Shkencëtarët nga Universiteti i Massachusetts kanë testuar disa mënyra për të hequr pesticidet nga frutat, dhe metoda më e mirë është treguar përdorimi i sodës bikarbone. Pesticidet mund të ndihmojnë frutat të mbijetojnë dhe të largojnë insektet nga to, por ato janë të dëmshme nëse futen në organizëm. Efektet e tyre varen nga lloji i pesticideve dhe sasia që futet brenda në organizëm. Organizata Botërore e Shëndetësisë thotë se pesticidet e caktuara mund të kenë një efekt të dëmshëm në zhvillimin e sistemit nervor të fetusit dhe fëmijëve.
Disa njerëz mbështeten në blerjen e ushqimit organik, i cili mund të jetë shumë i shtrenjtë, por kjo nuk është ndonjë garancë që pesticidet nuk përdoren. Disa ferma përdorin pesticide organike, por duhet pasur parasysh se pesticidet natyrale nuk janë domosdoshmërisht më të sigurta.
Shkencëtarët zhytën mollët në fungicid dhe insekticid dhe i mbajtën në to prej disa minuta deri në tërë ditën. Ata pastaj u përpoqën të lajnë pesticidet nën ujë, duke mbajtur në tretës dhe duke përdorur sode buke për 15 minuta.
Rezultati më i mirë ishte arritur me sodë buke. Pas 15 minutash, pesticidi u zhduk nga korja e frutave. Megjithatë, lajmi i keq është se rreth 20 për qind e fungicideve dhe katër për qind e insekticideve të frutave thithen përmes lëvores dhe nuk mund të eliminohen.
Duhet të kihet parasysh se soda bikarbone nuk është ndonjë mrekulli, dhe se nuk ka ndonjë garanci se do të funksionojë edhe te ndonjë frut tjetër. Deri më tani, megjithatë, është zgjidhja më e mirë për qërimin e mollës. /tesheshi.com/
