Zonja e Parë e SHBA Melania Trump theu heshtjen të hënën për dhunën e javës së kaluar kur protestuesit besnikë ndaj burrit të saj, Presidentit në largim Donald Trump, sulmuan Kapitolin.
“Jam zhgënjyer dhe dekurajuar nga ajo që ndodhi javën e kaluar,” tha ajo në një deklaratë të gjatë.
“Eshtë frymëzuese që shumë kanë gjetur pasion dhe entuziazëm në pjesëmarrjen në zgjedhje, por ne nuk duhet të lejojmë që ai pasion të kthehet në dhunë.”
“Dënoj absolutisht dhunën”
Melania shtoi se ajo ishte duke qëndruar pranë njerëzve që u vranë në sulm, duke përmendur fillimisht protestuesit e vdekur dhe pastaj dy oficerë policie.
Zonja e Parë nuk iu referua rolit të burrit të saj i cili inspiroi mbështetësit me kauzën e mashtrimit zgjedhor dhe i bindi ata të merrnin Kapitolin.
“Unë absolutisht e dënoj dhunën e ndodhur në Kapitol. Dhuna nuk është kurrë e pranueshme”, shkroi zonja Trump.
Pushtimi i Kapitolit
Deklarata e saj u lëshua në të njëjtën ditë që Dhoma e Përfaqësuesve pritet të vazhdojë procesin e shkarkimit të Donald Trump.
“Në mbrojtjen e kushtetutës dhe demokracisë sonë, ne do të veprojmë urgjentisht, sepse ky president përbën një kërcënim,” tha të dielën Kongresmenja Nancy Pelosi.
Të mërkurën e kaluar, mbështetësit e Trump sulmuan Kapitolin duke kërcënuar sigurinë e ligjvënësve që duhej të fshiheshin dhe të pezullonin një seancë në të cilën ata konfirmuan fitoren e Joe Biden në zgjedhje. /tesheshi.com/
