Mediat serbe kanë akuzuar shërbimin sekret të këtij vendi se po tentojnë të vrasin në burgun e Hagës ish-gjeneralin e tmerrshëm Ratko Mlladiç, që akuzohet për krime kundër njerëzimit.
Gazeta “Blic” ka botuar sot një shkrim ku aludon se BIA ka bërë plane për likuidimin e gjenralit që ka masakruar mijëra boshnjakë. “Blic” i referohet deklaratës së një avokati të njohur serb, Borivoje Boroviç i cili ka pohuar se “Mlladic duhet të vritet !”
Boroviç thotë gjithashtu se edhe Sllobodan Millosheviçi është asgjësuar nga shërbimet sekrete.
Blic thekson se një argument plus për arsyet që ushqejnë teorinë për eleminimin e Sllobos është edhe kundërshtimi për të zhvarrosur dhe ekzaminuar eshtrat e tij.
Ndërkaq, pyetjes se Milloseviç mund të jetë eliminuar kyreprokurorja e TPI-së Carla del Ponte, për agjencinë e lajmeve “Presheva Jonë” është përgjigjur shkurt: “po, po ka vdekur…”.
/tesheshi.com/
