Ndërkohë që mediat nacionaliste serbe e kanë fryrë vizitën e Aleksandër Vuçicit në Kosovë, mediat opozitare dhe ato të moderuara Beogradit cilësojnë si një fushatë elektorale të pastër në kuadër të zgjedhjeve të 24 prillit.
Ato theksojnë se vizita e Vuçiçit në Kosovë ishte një “shfaqje e pastër elektorale për të fituar pikë”.
Gazeta Danas thotw në një shkrim të sajin se opinion publik serb kryesisht i ri “nuk ia ndjen fare për Kosovën”.
Sipas Danas-it, Kosova është një çështje sekondare në fushatë.
“Edhe pse qeveria dhe pjesa më e madhe e opozitës vazhdojnë të nënvizojnë që Serbia nuk do të njohë pavarësinë e Kosovës, çështja në fjalë s’ka fare rëndësi në syrin e opinionit publik serb”, shkruan Danas.
Ekspertët theksojnë se ka të tjera argumenta në tavë dhe jo ai i Kosovës.
Nikola Burazer, drejtori i një organizate të rëndësishme siç është Qendra për Politikën Bashkohore, thekson se “Vuçiç kërkon të marrë trajta nacionaliste vetëm për të lënë në hije premtimet e tij ekonomike”.
Ndërkaq, opozita filo-perëndimore nuk ka qenë në gjendje të kritikojë politikën e qeverisë në lidhje me Kosovën.
Aleksandar Popov, drejtori i qendrës për rajonet, tha se Kosova është problem vetëm për partitë patriotike dhe akuzon qeverinë se ka tradhëtuar interesat e vërteta të serbëve. /tesheshi.com/
