Kryeministri izraelit Benjamin Netanyahu ka qënë në Egjipt, në maj, ku ai fshehurazi është takuar me presidentin egjiptian Abdel Fattah al-Sisi, me të cilin ka biseduar në lidhje me bllokadën në Rripin e Gazës dhe se si mund të arrihej një armëpushim mes Izraelit dhe Hamasit, njoftoi një televizion privat izraelit Channel 10, duke iu referuar të dhënave nga disa zyrtarëv amerikanë.
Televizioni njoftoi se më 22 maj, Netanyahu udhëtoi për në Egjipt me disa këshilltarë, ku ai kaloi disa orë, dhe pastaj atë natë u kthye në Izrael. Sipas Haaretz-it, vizita ishte aq sekret se edhe ministrat apo siguria e kabinetit të tij nuk ishin të informuar.
Një zyrtari i lartë amerikan i ka thënë Channel 10 se Netanyahu dhe Sisi diskutuan përpjekjet egjiptiane për të gjetur një zgjidhje diplomatike për Gazën.
Së paku 168 palestinezë janë vrarë që nga shpërthimi i protestave në kufi me Gazën të filluara më 30 mars. /tesheshi.com/
