Mediat e fqinjt tonë jugor vijojnë t’i kushtohen çëshjtes “Balili”, ta pagëzuar prej tyre dhe si “Eskobari i Ballkanit”. Së fundi, Kathimerini bën me dije agjentë të DEA-s kanë vizituar Tiranën në kuadër të hetimeve ndaj Klement Balilit
Dhe kjo sipas gazetës në fjalë, ka ardhur pas hetimeve për disa sasi droge të kapura në Greqi, por edhe në vende të tjera të Bashkimit Europian.
Dy ditë më parë, Balili ishte i pranishëm në një intervistë ekskluzive në median greke, ku i dha çështjes së tij një theks politik. Sipas tij, gjithçka ishte një kurdisje e Berishës në luftën politike për të dëmtuar Ramën.
Në fakt, Balili i përket krahut të PD-së, edhe nga fakti se vjen nga një familje e persekutuar gjatë komunizmit. Por që më pas kaloi nën influencën e LSI-së, derisa u zgjodh për të marrë dhe një drejtori lokale pas 23 qershorit. Ndërsa nipi i tij, Rigels Balili, është zgjedhur po nën siglën e partisë së Ilir Metës kryetar bashkie i Delvinës. /tesheshi.com/
