Portali gjerman InTouch solli një lajm të ri për gjendjen shëndetësore të pilotit legjendar të Formula 1, Michael Schumacher, i cili mbeti i plagosur rëndë në një aksident me ski në Francë nëntë vite më parë.
Për këtë portal me reputacion, një nga miqtë më të ngushtë të familjes Schumacher, Jean Todt, francezi i cili prej vitesh ishte njeriu i parë i Ferrarit, e më pas i Federatës Ndërkombëtare të Automobilizmit, nuk foli drejtpërdrejt për detajet, por fjalët e tij zgjuan optimizëm mes tifozëve të shumtë të kampionit gjerman.
“Michael është ende në jetën time, ai shikon shumë TV, ai është ende këtu dhe ai po lufton,” tha Todt në një tekst të titulluar “Më në fund përparoi”. Këto fjalë nuk lanë askënd indiferent dhe u dhanë shpresë të gjithë atyre që e mbajnë afër zemrës së tyre Schumacher.
Schumacher është piloti më i suksesshëm i Formula 1 i të gjitha kohërave. Shtatë herë kampioni i botës, fituesi i 91 garave të Çmimit të Madh dhe mbajtës i një sërë rekordeve të tjera në botën e Formula 1.
Më 29 dhjetor 2013, ai pati një aksident të rëndë teksa bënte ski në Alpet franceze, duke goditur kokën mbi një shkëmb, që prej asaj kohe ai ka qenë i mbyllur në një shtrat spitali dhe lajmi për gjendjen e tij po vjen për publikun sa më shpejt. Të martën, më 3 janar, Schumacher do të mbush 54 vjeç. /tesheshi.com/
