Vjen menjëherë pas takimit të zhvilluar sot në Rogner një reagim nga qarqe pranë LSI-së së Ilir Metës.
360gradë.al, një portal pranë LSI-së, nuk i ka kursyer komentet e hidhura për këtë takim, i cili ka qenë edhe evenimenti më i rëndësishëm politik i ditës.
“Çudirat në jetën politike shqiptare nuk kanë të sosur…Takimi mes tyre vijoi për rreth 30 minuta , ndërsa mbetet ende për tu zbuluar arsyeja e vërtetë e temës së bashkëbisedimit. Fotoja dëshmon qartë sikur Basha i kërkon llogari Majkos. Ndonëse temat e këtij takimi mund të jenë të ndryshme, hipotezat përfshijnë reformën në drejtësi, atë zgjedhore apo edhe zgjedhjet në Peshkopi. Të gjitha alternativat të çojnë në zgjedhje por ajo që mbetët për tu parë është loja e prapaskenave të politikanëve të detyruar të gjejnë kompromise në këmbim të diçkaje… Opinioni pret më shumë se kaq dhe është i dyshuar nëse këto takime mund të sjellin pozitivitet,” shkruhet në median që pasqyron shumë aktivitetet e LSI-së. /tesheshi.com
