Mediat daneze parashikojnë një luftë në ‘Elbasan Arena’ në sfidën që Shqipëria do ta zhvillojë ndaj Serbisë. Një përleshje ndërmjet lojtarëve apo një dron në fushë, janë opsionet të cilat janë përmendur në Danimarkë në mënyrë që ndeshja të ndërpritej.
Trazirat e mundshme do të shkonin në favorin e danezëve të cilët janë në luftë direkte me Shqipërinë për pozitën që dërgon direkt në Europianin “Francë 2016”.
Sipas “ekstrabladet.dk”, e cila citon shkrimet e fundit të mediave shqiptare dhe atyre serbe, një luftë e re dhe një dron i ri mund të ndodhin në sfidën e së enjtes.
Ky portal shkruan se ky takim është shumë me rëndësi për Danimarkën, dhe për këtë shkruajnë se bazuar në ndeshjen e vitit të kaluar, Ivanoviçi me shokë do të bëjnë çmos që t’u prishin punë shqiptarëve kualifikim në “Euro 2016″. /tesheshi.com/
