Sipas së përditshmes spanjolle sportive AS, pavarësisht nga rezultati i finales së sotme të FA Cup-it, portugezi Jose Mourinho do të deklarohet si trajneri i ri i Mançester Junajtedit.
Ai pretendohet të nënshkruajë një kontratë trevjeçare me Mançester Junajtedin, e të fitojë në sezon gjer në 15 milionë euro.
Van Gaal ka dhe një vit në kontratë, por duket se dështimet e njëpasnjëshme nuk do të mund ta shpëtojnë atë, edhe nëse ekipi i tij fiton sot ndaj Kristëll Pallasit.
E njëjta e përditshme raporton se gjatë kësaj jave kanë përfunduar bisedimet mes agjentit të Mourinho-s, Jorge Mendes-it, dhe zëvendësshefit ekzekutiv të Mançester Junajtedit, Ed Woodward, të finalizuara me nënshkrimin e një parakontrate, që ka në thelb të saj zëvendësimin e Van Gaal-it me “Special One”-in.
Duke patur parasysh se te Mançester Siti do të vijë si trajner Pep Guardiola, është e kuptueshme se rivaliteti mes tij dhe Mourinho-s do të nisë që me fushatën e shitblerjeve të lojtarëve këtë verë. Për ta shndërruar Mançesterin në një qendër të transferimeve të shtrenjta. /tesheshi.com/
