Ministri i Turizmit Blendi Klosi u takua me presidentin serb Vuçiç, ku në fokus qe pikërisht raporti turistik mes dy vendeve.
“Turizmi s”ka kufi, e duhet të shfrytëzojmë çdo mundësi për të rritur e konsoliduar destinacionin turistik të Ballkanit.
Me Presidentin e Serbisë, Aleksandër Vuçiç, në pritjen e delegacionit shqiptar për të çuar përpara bashkëpunimin në fushën e turizmit, si një nga sektorët rajonal me më shumë potencial ekonomik.
Bashkëpunimi mes vendeve të Rajonit, për ndërtimin dhe konsolidimin e ofertave të përbashkëta, mbetet kusht i depërtimit turistik në tregjet e largëta.
Diskutimi u përqëndrua në mbështetjet e mundshme për turistët e rajonit, zhvillimin e fushatave promovuese të Shqipërisë në Serbi, nxitjen e festivaleve rinore në bregdetin tonë e të tjera tema për konsolidimin e bashkëpunimit rajonal në këtë fushë.
Turizmi, sikundër ka nënvizuar edhe më herët kryeministri Edi Rama, është industria më lidhëse e Ballkanit Perëndimor”, shkruan njeriu që i është besuar turizmi në përgjithësi dhe politika e shezlongjeve në veçanti.
Ndodh ky takim ndërsa turizmi shqiptar i mban sytë kah pushuesi kosovar, si shpëtimtar në këtë kohë krize pandemike. /tesheshi.com/
