Areoporti i Kukësit, i ndërtuar afro 20 vite më parë nga arabët, fill pas luftës në Kosovës, u bë realitet këtë të dielë. I rikonceptuar dhe ristrukturuar nga qeveria Rama, edhe pse pa asnjë fluturim ndër vite, ky areoport priti avionin e parë Air Albania, që siç kishte premtuar Rama, solli një grup emigrantësh kuksianë nga Londra.
Emri i areportit është emiratas, sipas financuesve të tyre fillestarë, “Zayed-Flatrat e veriut”.
Emri “Zayed” është në nderim të emrit të familjes së princit të kurorës së Emirateve të Bashkuara, i cili gjatë kohës së luftës në Kosovë, është përkujdesur për të sjellë ndihma të konsiderueshme.
Kryeministri Edi Rama tha më herët se ky fluturim do të jetë simbolik dhe më pas aeroporti do të nis me fazën e certifikimit ndërkombëtar që do të duhen edhe disa muaj që ajo të nis punën.
Aeroporti ndërkombëtar i Kukësit “Zayed-Flatrat e veriut” ka një pistë prej 2.2 kilometrash dhe kullën e saj të vrojtimit, ndërsa në pjesën e vendqëndrimit të avionëve, është projektuar për të mbajtur 3 avionë njëkohësisht, ndërkohë që brenda një ore mund të nisen 4 avionë nga ky aeroport. /tesheshi.com/
