India ka nevojë për “të rinj shumë të vendosur, jashtëzakonisht të disiplinuar dhe punëtorë“, të cilët duhet të punojnë 70 orë në javë për ta bërë vendin një fuqi ekonomike globale, tha miliarderi indian N.R. Narayana Murthy.
Bashkëthemeluesi i gjigantit të softuerit Infosys kujtoi se “kështu funksionuan gjermanët dhe japonezët pas Luftës së Dytë Botërore”, raporton CNN.
“Rinia jonë merr nga Perëndimi disa zakone që nuk janë aq të dëshirueshme dhe kështu nuk i ndihmojnë vendit. Produktiviteti i punës në Indi është ndër më të ulëtit në botë”, tha Murthy.
Ai gjithashtu beson se udhëheqësit e korporatave në Indi duhet të motivojnë të rinjtë që të “punojnë shumë fort” duke u thënë atyre se vendi i tyre tani po fiton respekt globalisht për herë të parë dhe se është koha për të konsoliduar dhe përshpejtuar përparimin.
Sipas Forbes, Murthy ka një pasuri prej mbi katër miliardë dollarësh. Ai është edhe njerku i kryeministrit britanik Rishi Sunak. /tesheshi.com/
