Edhe pse me gjasë i ka orët e numëruara, kjo pasi mazhoranca e ka ndarë mendjen për ta shkarkuar, Meta po fokusohet në luftë me të të votat e hedhura gabim.
Pasi humbi betejën e zgjedhjeve, atë që sipas tij do qe një referendum kundër qeverisë, njeriu që mban detyrë e presidentit, por i shndërruar hapur në palë politike, pretendon se duhen marrë në konsideratë dhe votat e hedhura gabim në kuti të dielën e kaluar.
Këtë thotë në më të fundit status.
“Në zgjedhjet e vitit 2013 vetëm 1.39 përqind e votave ishin të pavlefshme.
Në vitin 2017 vetëm 1.98 përqind e votave u shpallën të pavlefshme.
Aktualisht, sipas rezultateve paraprake të KQZ, kemi 5 përqind fletë votimi të pavlefshme.
Ndaj numërimi dhe rinumërimi i çdo vote të pavlefshme është vendimtar për të rritur besimin e qytetarëve, të cilët mbajtën radhë të gjata për të shprehur vullnetin e tyre më 25 prill.
Me qetësi dhe transparencë është tepër e rëndësishme, që ky proces, të vazhdojë deri në fund.
Krijimi i fokuseve të tjera, përtej kësaj çështjeje madhore për besimin te zgjedhjet dhe demokracia, është vetem vijim i teatrit të radhës kundër Sovranit dhe vullnetit të Tij.
Deri tani janë rreth 50 mijë vota të pavlefshme më shumë se në vitin 2017 dhe rreth 60 mijë vota të pavlefshme më shumë se në vitin 2013, ndërkohë që 8 vite më parë votuan rreth 80 mijë qytetarë më shumë se sa në zgjedhjet e 25 prillit”, shkruan ndër të tjera Meta.
Por ndërsa aludon apo shpreson se këto vota mund të ndryshojnë rezultatin, fituesja PS pretendon se ajo është humbësja më e madhe nga votat e hedhura gabim, pasi sipas tij, shumica shënojnë siglën e Partisë Socialiste. /tesheshi.com/
