Me deklaratë e jo para medias, Ilir Meta ka shkelur përbetimin për dorëheqje “nëse Rama merr 71 mandate (Ka 74 deri tani dhe synon 75), duke thënë se falë tij pati zgjedhje të qeta. Duke i mëshuar mitit politik të “institucioneve të kapura”, një mit që ushqehet nga opozita dhe enturazhi mediatik pranë saj, njeriu që mban kreun e shtetit tha se “edhe pse i vetëm përballë të gjithë institucioneve të kapura, ja arrita, që 25 prilli të ishte një ditë e qetë, paqësore, pa skena dhune dhe me pjesëmarrjen tuaj masive për të ushtruar të drejtën e votës”.
Ky ishte sofizmi e tij pas humbjes edhe të tij më 25 prill, referuar rezultatit të LSI-së për të cilën doli hapur duke bërë fushatë.
Gjithsesi, Meta i ka pranuar zgjedhjet.
“Tani është koha për të përmbyllur me qetësi dhe në respekt të ligjit procesin zgjedhor dhe më pas të gjithë të reflektojnë deri në shtator, kur krijohen institucionet e reja, që burojnë nga vota e 25 prillit”, tha ai në deklaratë e parë zyrtare pas konfirmimit të mandatit të tretë të Ramës. /tesheshi.com/
