Moska nuk ka bërë asnjë njoftim për ndonjë humbje pas shpërthimit dhe fundosjes së “Moskva”-s deri më tani, ndërsa pamjet nga një ceremoni e mbajtur dje në Sevastopol(Mariupol) për nder të anijes së mbytur të Flotës ruse të Detit të Zi ngrenë pikëpyetje të arsyeshme.
Në një postim në Twitter, korrespondenti i Guardian në Moskë, Andrew Roth, shkroi në lidhje me ceremoninë: “Asnjë njoftim zyrtar nuk është bërë ende se sa njerëz u shuan në kryqëzorin ‘Moskva’. Asnjë foto e anijes apo ekuipazhit prej 510 personash, më shumë se 24 orë pas shpëtimit të tyre të supozuar. Vetëm një kurorë në një ceremoni në Sevastopol për anijen dhe marinarët”.
Një artikull i Daily Mail me titull “Të afërmit e anëtarëve të ekuipazhit të Moskës sfidojnë censurën ruse me shërbimin përkujtimor jozyrtar” zbulon misterin rreth fundosjes së kryqëzorit rus.
Sipas faqes britanike, Rusia fillimisht ishte përpjekur të zvogëlonte dëmet e pësuara nga anija shpërthimi. Zyrtarët thanë se “Moskva” u evakuua me ndihmën e anijeve të tjera të Flotës së Detit të Zi dhe po lundronte në një port aty pranë kur më në fund u fundos mes turbulencave.
Nga ana e tyre, ukrainasit pretendojnë se bashkë me anijen u zhduk pothuajse i gjithë ekuipazhi i “Moskva”-s. Sipas Nexta, zëdhënësi i Gardës Kufitare të Ukrainës deklaroi se kryqëzori u mbyt pothuajse me të gjithë ekuipazhin e vet, pasi nuk ishte e mundur të evakuohej për shkak të një stuhie.
Anton Gerastshenko, një këshilltar i Ministrisë së Brendshme të Ukrainës, tha dje se
“shpërthimi ishte aq i fuqishëm sa anija ruse u fundos brenda pak minutash”.
Ai pretendoi se ishte informuar për këtë nga burimet e tij në Sevastopol, ku ndodhet selia e flotës ruse të Detit të Zi. “Duket se si pasojë e zjarrit janë shkrepur kokat shpërthyese të raketës së madhe të lundrimit P-1000 – Vulkan. Dhe në anije ishin 16 të tilla”, u shpreh ai. Rezultati, sipas tij, ishte vdekja e të gjithë anëtarëve të ekuipazhit, së bashku me komandantin e tij Anton Kuprin.
“Ndërsa deklaratat kontradiktore për incidentin vazhdojnë, një ‘ceremoni e zisë’ prekëse u mbajt për “Moskva”-n dhe marinarët e saj në Sevastopol. Ishte jozyrtare dhe nuk flitej për numrin e të vdekurve, por nga atmosfera e rënduar e ceremonisë ku ishte i pranishëm dhe një prift, dukej se pati humbje të konsiderueshme jetësh. Një kurorë e vendosur në statujë shkruante “Për anijen dhe marinarët”, shkruan Daily Mail.
People have gathered in Sevastopol, Crimea at the monument commemorating the 300th anniversary of the Russian’s Navy’s foundation from 1996.
The meeting was an informal farewell to the Moskva, the flagship of the Russian Black Sea Fleet, sunk by Ukraine. pic.twitter.com/PqZe22f0Cg
— Visegrád 24 (@visegrad24) April 15, 2022
Përveç versionit ukrainas dhe rus të humbjeve të fundosjes së “Moskva”-s, ekziston versioni amerikan, i cili vjen nga një zyrtar i lartë i mbrojtjes, i cili foli për New York
Times.
Sipas tij, fundosja e anijes ka pasur disa humbje, por analistët amerikanë nuk kanë arritur një numër të caktuar. Megjithatë, kishte disa marinarë rusë që u shpëtuan.
Vlen të theksohet se i njëjti zyrtar që foli në kushte anonimiteti për gazetën të premten dha konfirmimin e parë nga pala amerikane se fundosja e kryqëzorit ishte rezultat i një sulmi ukrainas. /tesheshi.com/
