Ish-Ministri i Shëndetësisë, Ilir Beqaj, ishte nën hetim për më shumë se një vit për disa konçensione të dhëna kompanive private për shërbimet në shëndetësi. Por sot njësia task-forcë ka pranuar se ka pushuar hetimet pasi ka verifikuar tre konçesionet në fushën e shëndetësisë.
Prokurori Endrit Bimi u shpreh se nuk gjeti elementë të veprave penale të shpërdorimit të detyrës dhe të shkeljes së barazisë në tendera.
Gjatë hetimit u morën në pyetje zyrtarë të ministrisë së drejtuar nga Beqaj si dhe u sekuestruan shumë dokumente. Por prokurori iu përgjigj se nuk janë kryer veprime të dyshimta përgjatë dhënies me konçesion të: kontrollit mjekësor me vlerë 120 milionë euro, as në konçesionin e hemodializës me vlerë 86 milionë dollarë, si dhe në konçesionin e sterilizimit të pajisjeve kirugjikale me vlerë 100 milionë dollarë.
Hetimi për këtë dosje ka nisur në dhjetor të 2015 me iniciativë të vet Prokurorisë pas publikimit në media të dyshimeve se tre koncesionet janë dhënë në mënyrë abusive nga Ministria e Shëndetësisë.
Pas nisjes së hetimit është dhënë një tjetër koncension ai për shërbimin laboratorik që kap vlerën e rreth 100 milionë dollarëve për 10 vjet./tesheshi.com
