Me ndeshjet e së enjtes ka ardhur në fund dhe faza në grupe në Ligën e Europës, prej nga kanë dalë 24 ekipet që do të vazhdojnë më tej.
Në fakt, nga tërë takimet e një dite më parë, ka mbetur pa u luajtur për arsye atmosferike takimi mes Sasuolos dhe Genkut, i vlefshëm për grupin F. Sidoqoftë, kjo ndeshje, që do të zhvillohet sot në mesditë, nuk ndryshon asgjë, pasi Genku është kualifikuar tashmë, e Sasuolo është eliminuar.
Në do duhet të përmendet një veçori e 23 takimeve të fundit, mund të nënvizohet fakti se pati vetëm një barazim pa gola, ai në takimin Astra – Roma.
Rezultati më i thellë u regjistrua në përballjen mes Sporting Bragës dhe Shakhtarit të Donjeckut, që përfundoi 2-4.
Ekipet që garantuan kalimin në fazën tjetër janë: Fenerbahçe, Mançester Junajted, APOEL, Olimpiakos, Sent-Etjen, Anderleht, Zenit, AZ Alkmar, Roma, Astra, Atletik Bilbao, Genk, Ajaks, Selta Vigo, Shakhtar i Donjeckut, Gent, Shalke 04, Krasnodar, Fiorentina, PAOK, Sparta e Pragës, Hapoel Bir Sheva, Osmanllëspor dhe Vilareal.
Këtyre do t’u bashkohen dhe tetë skuadrat e renditura në vend të tretë në grupet e Champions League-s.
Nga ekipet e eliminuara mund të veçohet pa dyshim, Interi, që përfundoi i fundit në grupin K. Surprizë është dhe eliminimi i Nicës, skuadrës që kryeson kampionatin francez. Nisa u rendit e fundit në grupin I. /tesheshi.com/
