Mbreti saudit Salman bin Abdulaziz dhe presidenti amerikan Joe Biden diskutuan të premten për forcimin e marrëdhënieve dhe bashkëpunimit dypalësh.
Biden mbërriti për një vizitë zyrtare në Arabinë Saudite dhe Mbreti Salman e priti në Pallatin Salam në Jeddah, raporton Agjencia Saudite e Shtypit (SPA).
Dy liderët diskutuan mënyrat për të forcuar marrëdhëniet dypalëshe dhe bashkëpunimin për të mirën e popujve të tyre dhe lidhjet e qëndrueshme historike që ata kanë, raporton Anadolia.
Në takim morën pjesë edhe princi i kurorës saudite, Muhamed bin Salman, sekretari amerikan i shtetit Antony Blinken dhe këshilltari i sigurisë kombëtare i SHBA-së, Jake Sullivan.
Presidenti amerikan u takua veçmas me Bin Salmanin.
Mediat lokale raportojnë se gjatë vizitës së Bidenit në Arabinë Saudite do të nënshkruhen disa marrëveshje dypalëshe.
Biden ka vizituar më parë Izraelin dhe Palestinën, dhe ai udhëtoi për në Arabinë Saudite direkt nga Tel Avivi, falë faktit që Arabia Saudite hapi hapësirën e saj ajrore ndaj Izraelit. /tesheshi.com/
