Quhet David dhe është i rritur me disiplinë dhe kujdes nga babai i tij, i ndjeri Gianroberto Casaleggio, ose njeriu që harxhoi 30 vjet që të shpikte “Bebe Grillon si projekt politik”.
Davide Gasaleggio është 42 vjeç, bosi i Casaleggio Aciociates, kompanisë që kontrollon internetin në Itali dhe editori personal i blogut të Grillos.
New York Times në artikullin e saj “njeriu misterioz që drejton Italinë”, theksonte se Casaleggio është personi që realisht drejton Lëvizjen 5 Yje nëpërmjet një sistemi të frikshëm kontrolli ku çdo parlamentar i partisë nuk është gjë tjetër veçse një abonent i kompanisë së Davide-s, i cili i dorëzon personalisht username-in dhe paswordin secilit prej tyre.
Çdo zyrtar i Pesë Yjeve nuk “falet” as te Grillo, e as te Luigi Di Maio që vetëm formalisht është drejtuesi i partisë, por vetëm tek kreu i Gasaleggio Asociates, kompanisë që e krijoi lëvizjen populiste italiane dhe tashmë është kontrolluesja e çdo emërimi në qeverinë e re.
Madje gazetat kryesore të Romës bëjnë të ditur se të gjithë zv/ministrat e sapoemëruar nga qeveria e Giusepe Conte-s janë njerëz të “laboratorit” të njeriut të mistershëm.
Ashtu si populistët e 5 Yjeve akuzojnë George Sorosin për kontroll të politikës nëpërmjet lëvizjeve të nëndheshme dhe jo transparente, edhe Casaleggio është një person që kontrollon gjithçka nga zyrat e tij në qendër të Milanos.
Babai i tij, Gianroberto Casaleggio i cili ndërroi jetë dy vjet më parë nga një tumor në kokë, ishte shpikësi dhe truri i “qeverisjes nga rrjeti” apo “komandës qendrore” nëpërmjet portaleve online duke nxjerrë jashtë loje të gjithë median tradicionale.
Ai publikoi në vitin 2008 videon promocionale Gaia, në të cilën parashikon se shumë shpejt bota do të qeveriset nga një demokraci direkte pa parti politike, pra një sistem ku gjithçka do të qeveriset nga portalet e rrjetet sociale.
Por ka një rastësi të çuditshme në historinë e familjes Casaleggio: gjyshi i Davide-s dhe babai i Gianroberto-s ishte një përkthyes i rusishtes dhe dyshime të shumta lidhin fijet me Moskën.
Ashtu si edhe qeveria e sotme italiane, e cila ka jo vetëm një lidhje me Kremlinin apo përkrahës së tij, ka kërkuar zyrtarisht heqjen e sanksioneve ndaj Rusisë.
Para zgjedhjeve të 4 marsit, Davide Casaleggio deklaroi se thjesht po i ofronte Lëvizjes 5 Yje asistencë IT-je.
42-vjeçari në fakt është IT-ja më i fuqishëm në Itali që kontrollin numrin më të madh të të dhënave financiare, politike por edhe të të gjithë informacioneve nga më të hollësishmet.
Babai i tij kishte arritur të bënte një skedar të hollësishëm për thuajse çdo italian: adresat, profilet dhe madje edhe shijet dhe veset.
Në mënyrë perfekte për vetëm 10 vjet që nga viti 2005 kur nisi blogu beppegrillo.it, u arrit që të krijohet nga hiçi një parti politike që sot qeveris Italinë.
Këtë skedar dhe këtë thesar që ruhet në një masë të madhe sigurie e kontrolli, e ka “Mbreti David”, djaloshi i rritur me kujdes nga guru-ja Gianroberto, i cili në moshën 12-vjeçare ishte shahisti më i talentuar në Itali.
Nuk ngjan fare me një italian, pasi nuk ushqehet fare me produktet e famshme të vendit por jeton si një oriental nga India; është tip sportiv dhe ka vendosur flamurin në majën e Kilimangiaro-s.
Kompania e tij ka fituar të ardhura nga reklamat e faqeve të internetit që janë mbushur me teori konspiracionesh dhe lajme të rreme.
Kjo kompani ka krijuar dhe drejtuar një rrjet të gjerë urrejtje për të krijuar frymën populiste, njëjtë siç veproi Cambridge Analytica në SHBA dhe Britaninë e Madhe.
Por ndryshe nga atje ku kompanitë u krijuan për të fituar Brexit dhe Trump, në Itali gurutë e informacionit po drejtojnë edhe shtetin, çka ka dridhur Bashkimin Europian.
Dy ditë më parë është arrestuar një nga njerëzit kryesorë të Davide Gasaleggio-s që drejtonte një nga fondacionet e tij. /tesheshi.com/
