Më i fundit reagim ndaj karikaturës së revistës satirike franceze ka ardhur nga mbretëresha e Jordanisë, Rania, që i ka dhënë përgjigje pyetjes se ç’do të bëhej Ajlan Kurdi, fëmija i mbytur sirian, kur të rritej.
“Ajlani mund të kishte qenë një doktor, një mësues, një prind i dashur…”, ka shkruar ajo në rrjetet sociale elektronike.
Veç kësaj, ajo i ka shoqëruar fjalët me një vizatim të një jordanezi, të cilin e ka falënderuar më poshtë.
Karikatura e fundit e Charlie Hebdo-së është pritur me kritika të jashtëzakonshme, ndryshe herëve të tjera, dhe ka patur thirrje madje për bojkot ndërkombëtar ndaj revistës satirike. /tesheshi.com/
