Përballja dhe debatet televizive nuk janë akoma në kulturën e politikanëve në vendin tonë. Por në prag të zgjedhjeve, të shumta kanë qenë akuzat dhe kundërakuzat mes aktorëve kryesorë në politikë. Ajo që mund të themi është se mbrëmja e djeshme ishte një mbrëmje politike ku Basha, Rama, dhe Meta kanë qenë të ftuar në emisione. Përveçse folën për mënyrën se si ata do të qeverisin, ku të tre kërkojnë dhe thonë që do të fitojnë nuk munguan dhe akuzat diku të ashpra dhe diku me të lehta mes tyre.
Gjithashtu nga ana tjetër ata u pyetën nga gazetaret lidhur dhe me koalicionet e mundshme pas zgjedhjeve. Ka qenë kryedemokrati Lulzim Basha, i cili duke folur nga emisioni “Studio e Hapur”, nuk i ka përjashtuar mundësitë e një bashkëqeverisje PD-LSI, ndërsa është shprehur se Partia Demokratike do ti marrë e vetme 72 mandate.
“Unë kërkoj dhe kam bindjen se shqiptarët do të votojnë PD, koalicionin tonë opozitar për të zbatuar këtë plan ekonomik, i vetmi plan në fushatë. Nuk është nuk e mohoj. Unë pres që PD të qeverisë vendin pas 25 qershorit dhe të zbatojë planin ekonomik” , tha Basha.
Por pas deklaratës së Bashës, ish-kreu i LSI-së Ilir Meta, nga emisioni “Dritare”, foli se pse ka më shumë shanse që të bëjë koalicion me kryedemokratin edhe më tej tha se këtë gjë e vendos Petrit Vasili, ku sipas ti LSI do të dalë forcë e parë.
“Basha ka një avantazh se nuk ka një lidhje simbiotike me bandat. Harrova ka dhe një avantazh tjetër se ka dalë në foto me Trump. Po të dalë PD dhe LSI jam i bindur që do të marrë sërish mbi 80 mandate”,- tha Meta.
Ndërsa nga ana tjetër Meta ka komentuar duke u shprehur se një koalicion PD-PS nuk do të funksiononte dhe ka përjashtuar mundësitë e një koalicioni me Ramën.
“Thotë se pse nuk bëjmë koalicione. Hajde bëjmë bilancin? Ai asnjë herë nuk i ka qejf mesa duhet ballafaqimet dhe analizimet. Unë gjykoj se një koalicion Rama -Basha është një koalicion që nuk mund të funksionojë dhe është një koalicion pa këllqe. Ndërsa nga ana e saj LSI ia dha shanisn një herë shansin doktorit dhe një herë PS, se po të ishte për Ramën nuk do ai kishim dhënë. Vetëm pas shumë kohës mund të bëjmë koalicion me PS, normalisht jo me Ramën. Tani ka ardhur koha që LSI t’u tregojë këtyre forcave që mund të ja dalë e vetme dhe jo me kot na qëlloi 1-shi”, deklaroi Meta.
Por mesa duket në këtë linjë mendimi ka qenë dhe kryeministri Edi Rama, i cili ka qenë i ftuar në emisionin e gazetares Ilva Tare ku tha s se nuk ka asnjë shans që PS-ja të bëjë më koalicion me LSI-në
“Nuk mendoj pas 25 qershorin. Një gjë është e sigurt; nuk ka asnjë shans që të bëj koalicion me Lëvizjen Socialiste për Integrim. Kjo është e sigurt. Nuk ka asnjë shans. Unë përjashtoj të gjitha koalicionet, por me LSI-në duhet të bëjmë një pauz. Të paktën jo me Partinë Socialiste. Loja i treti i vërteti ka marrë fund”, tha Rama. /tesheshi.com/
