Nga Blendi Gashi
Dy qeveritë shqiptare, e Kosovës dhe Shqipërisë edhe në mbledhjen e tretë të përbashkët në Prishtinë theksuan se bashkëpunimi do të vazhdoj për zhvillimin sa më të madh të dy vendeve.
Kryeministri i Kosovës, Isa Mustafa u dëshiroi mirëseardhje vëllazërore kabinetit të Shqipërisë, duke thënë se Kosova është shtëpia e tyre dhe duke shprehur dëshirën që takimet e tilla të jenë më të shpeshta.
Ai theksoi se takimi i sotëm është dëshmi se shtetet shqiptare po bëhen pjesë e një koncepti universal dhe euroatlantik.
“Thellimi i bashkëpunimit mes dy shteteve është në interes të qytetarëve. Ky është rast i mirë të falënderoj qeverinë, kryeministrin, institucionet dhe qytetarët për mbështetjen vëllazërore që kemi pasur nga ju gjatë të gjitha proceseve që kemi kaluar”, tha Mustafa.
Ai shtoi se Shqipëria po forcon identitetin e Kosovës dhe se dy qeveritë kanë përgjegjësi të përkujdesen për fatin e shqiptarëve edhe jashtë vendit.
“Mbledhja e sotme është proces eurointegrues për të cilin jemi përkushtuar të gjithë. Ne jemi për dialog me të gjithë e edhe me Serbinë, për fqinjësi të mirë dhe korrekte me të gjithë. Ne nuk konsiderojmë se me demarkacion po ia falim tokën Malin e Zi, por po shënojmë një vijë kufitare mes dy shteteve”, tha Mustafa.
Ai po ashtu ka thënë se nga marrëveshjet që janë nënshkruar nga dy mbledhjet e kaluara janë krijuar lehtësira të mëdha të bashkëpunimit.
Rama: Bashkimi kombëtar – në Bashkimin Evropian
Kryeministri i Shqipërisë Edi Rama në fjalën së vet përmendi historikun e fillimit të takimeve ndërqeveritare që nga viti 2014.
Ai rikujtoi bashkëpunimin e arritur në fushën e energjetikës, bujqësisë, të arsimit e të kulturës të Shqipërisë e të Kosovës .
“Ne do të jemi së bashku në Tiranë për të vënë në punë linjën e interkoleksionit që lidh përfundimisht autostradën energjetike në mes Shqipërisë dhe Kosovës dhe hap një fazë të re të hapësirës së përbashkët”, deklaroi Rama.
Po ashtu ai ka thënë se është prioritet strategjik i përbashkët lidhja e Kosovës dhe inkasjellësi përmes territorit në mes të Shqipërisë.
Kryeministri shqiptar theksoi se Shqipëria është avokati më i fuqishëm i Kosovës në aleancën luftarake.
“Lajmi për viza na ka çliruar të gjithëve dhe BE ndërkohë që njohja nga UEFA e FIFA qeli kapitull të ri për Kosovën dhe vetëdijesimin e gjithkujt që e sheh Kosovën me bisht të syrit”, ka thënë Rama.
Ky takim tha Rama, është ushtrim i zakonshëm pune, derisa shtoi se Shqipëria dhe Kosova gjithmonë kanë qenë bashkë si në ditë të mira ashtu edhe në të vështira.
“Ne duhet të shkojmë edhe më tej për përmbushje të një hapësire mbarëkombëtare në rajon, potencoi ai.
Rama kërkoi bashkimin e forcave të Kosovës e të Shqipërisë. Këto forca, tha ai, duhet të ndihmojnë për integrimin e gjithë Ballkanit në Evropë, pasi, sipas tij, jo vetëm Ballkani ka nevojë për Evropën, por Evropa ka nevojë për Ballkanin.
“Ëndrra jonë për Bashkimin Evropain do të ndodhë në Bashkimin Evropian”, tha ai.
Ai foli edhe për dialogun Kosovë –Serbi, ku tha se Shqipëria e mbështet pa asnjë mbulim këtë dialog sepse e lartëson Kosovën, vetëdijen shtetformuese dhe vizionin e Kosovës në sytë e të gjithë partnerëve dhe miqve të Ksovës.
Rama poashtu foli edhe për të drejtat e shqiptarëve të Preshevës të respektohen ashtu si respektohen të drejtat e minoriteteve në Kosovë dhe Shqipëri. /tesheshi.com/
