Mbërrin në Turqi një pjesë tjetër të pajisjeve nga sistemi rus i mbrojtjes raketor S-400, njoftoi të hënën Ministri i Mbrojtjes i vendit Hulusi Akar.
Pjesët e para të sistemit, për të cilat Uashingtoni thotë se janë të papajtueshme me mbrojtjen e NATO-s, u dorëzuan në Ankara në korrik, kujton Reuters.
Turqia nuk ka hequr dorë nga blerja e saj e S-400, megjithë paralajmërimet se do të përballet me sanksione amerikane.
Presidenti turk Rexhep Tajip Erdogan kohët e fundit tha se nuk kishte prova konkrete që sistemi S-400 po dëmton NATO-n ose programin luftarak F-35 të SHBA.
“Ne sigurisht do të mbrojmë interesat tona kombëtare kur është e nevojshme përmes dialogut, por edhe me elementë më të butë të forcës, ndonjëherë me mjete shtrënguese të diplomacisë, por, kur është e nevojshme, me përdorimin e forcës së vërtetë”, tha Erdogan.
Uashingtoni shqetësohet nga blerja e sistemeve të Rusisë S-400 të Rusisë, duke deklaruar se puna e saj me F-35 do të rrezikojë sekretet e avionit.
SHBA thotë se nuk do të lejojë aktivitetet e atyre avionëve në një zonë ku sistemi rus është aktiv. /tesheshi.com/
